ياجلعود يابيت الوفاء والكرم والجود
على درب ابوك الذرب واخلاقك اخلاقه
وكسبت العلوم الطيبه يالسنافي زود
سميت بعلومك فوق من يلوي اشداقه
تخاف الله اللي فوقنا واحدن معبود
وتفزع لمن صلف الهوى يالشلي عاقه
لوجه الله تنفع كل من تعرفه مظهود
تلملم له اوراقه بعد نثرت اوراقه
انا قول قولي يوم عندي عليه شهود
ياكم واحد ن جت فزعتك له علا فاقه
وبرك ببوك وبامك يزود دون حدود
وفيك الوطن يفخر يابو نفس تواقه
تتوق لعلو الدار وتوالي ال سعود
من ايمان قلب ن تسكن الدار باعماقه
وهذي صفة لسود وانتم رجال اوسود
تحمي العرين وتلطم عيون سراقه
ولك سمعة يابو فهد مثل فوح العود
جمعت الرجال اللي على الطيب سباقه
بموسوعة ن يشهد لها كل من به فود
ولاهمنا من لاجمل له ولا ناقه
يكفيك كل اللي يعرفك رجال عدود
رجال ن لصيد المعرفه حيل تفاقه
ويفداك منهو عايش مع شلل وهنود
تنكر لداره عقب ماوسعت احداقه
ختام الكلام اسال ولي المطر والنود
يحقق املك اللي صعيب ن تحقاقه
سعاده في الدنيا واذا سرت بين لحود
يوردك حوظ المصطفى الفذ ورفاقه
محمد جارالله محمد ابن شويل
