عاش اخو نوره

ابتدي باسم الله اللي له الاسماء العظام
 محيي رفات البشر لحمها وعظامها
رافع ن سبع السما منشي مزون الغيام
بامره رياح البشاير تسوق غيامها
بعدها ياموطني لك تحيات وسلام
قبلة للمسلين وذرى لاسلامها
عاش فيك اغلى البشر وانبنا البيت الحرام
والقبايل بعد الاسلام جت بحرامها
ياوطنا ياوطنا عسى عزك دوام
والعوافي والستيره عليك ادامها
ياوطنا حن جنودك درعك والحزام
في جهاتك الاربعه عزها وحزامها
ندحر العدوان بالنار ماهو بالكلام
والله انا دون حدك نهد احلامها
رافعين اعلامنا في الدول شرق ن وشام
يوم بعض إمن الدول نكسة باعلامها
والتلاحم بين شعبك ولا فيه انقسام
ماعلينا من هل العلمنه واقسامها
خيب الله سعيكم ياخفافيش الظلام
والله ان تبطون في سلسلات اوهامها
دامنا في حكم سلمان قايدنا الامام
عاش اخو نوره ذرى المملكه وامامها
سيدي محمد عضيده عمى عين الخصام  
واسرة ال سعود سم لكبود اخصامها
فياوطنا ياوطنا قبل مسك الختام
عزك الله والعدا لجمة بالجامها

/ رائد نملان الحبابي /